جوا كل واحد فينا طفل...... عمره ما بيكبر ابداااا&#

يااااااااااه
واحنا صغيرين كنا دايما محتاجين للحب للامان وللحنان
محتاجين ايد تشيل عننا
محتاجين ايد تطبطب علينا
محتاجين حد يقف جمبنا

كانت اكبر مشاكلنا هنروح بكره المدرسة ولا لاء
هناخد معانا سدوتشات ايه النهاردة
هتروح الملاهى امتى

ونفضل نتمنى اننا نكبر عشان نعمل اللى على مزاجنا
ومحدش يقولنا انت بتعمل كدا ليه

وتمر الايام ونكبررررررر

بس الطفل اللى جوانا لسه موجود
عمره ما بيكبر
بيفضل دايما صغير
محتاج بردو للحنان والحب واللمسة الحنينة

بيفضل طفل من جواها وبيفرح اوى لو شاف اخوه الصغير
وهو بيتفرج على الكارتون اللى كان بيتفرج عليه مع بابا وماما
ويقعد يتفرج معاه

الطفل دا كل ما بيكبر بيزيد احتياجه اكتر
وكل ما بتزيد مهماته ومشاغله
بيحتاج لايد تشيل عنه وتمسح دمعته وتخفف همومه

طفل بيحتاج لحد جمبه
يضحك معاه
يلعب معاه
يستحمله ف وقت زهقه قبل فرحه

حد يتحايل عليه عشان ياكل الا يخس ولا يتعب
حد يخاف عليه من البرد والحر
حد يحس بيه ويقدر مشاعره

كل طفل لو محسش بالامان
وملقاش ايد حنينة تطبطب عليه ممكن يموووووت
بردو الطفل اللى جوانا كدا
لو محسش بالحب والحنان والامان هيموت وسط مشاكل الحياة
وهتلاقى الضحكة الجميلة والنظرة الاجمل اختفت من ملامحك

بلااااااش ننسى الطفل اللى جوانا لانه اللى بيلون حياتنا
ولو اختفى ومات هتموت معاه الالوان والضحكة والبراءة الجميلة